Chaitanya (1991)

చిత్రం: చైతన్య (1991)
సంగీతం: ఇళయరాజా
సాహిత్యం: వేటూరి
గానం: యస్. పి. బాలు
నటీనటులు: నాగార్జున, గౌతమి
దర్శకత్వం: ప్రతాప్ కె.పోతన్
నిర్మాత: సత్యంబాబు
విడుదల తేది: 07.06.1991

పల్లవి:
ఓహో లైల ఓ చారుశీలా కోపమేల
మనకేలా గోల మందారమాలా మాపటేళ
ఒహొ పిల్లా… శుభానల్లా…
సరాగంలో… విరాగాలా…
మిసమిస వయసు రుసరుసల దరువుల
గుసగుస తెలిసె కలికి చిలకా
కసికసి పెదవి కదలికల కవితల
పిలుపులు తెలిసె కవిని గనకా

ఓహో లైల ఓ చారుశీలా కోపమేల
మనకేలా గోల మందారమాలా మాపటేళా

చరణం: 1
విశాఖలో నువ్వు నేనూ వసంతమే ఆడాలా
హుషారుగా చిన్నాపెద్దా షికారులే చెయ్యాలా
వివాహపు పొద్దుల్లోనే వివాదమా ఓ బాలా
వరించినా వలపుల్లోనే విరించిలా రాయాలా
అందచందాల అతివల్లోనా కోపమే రూపమా
కోపతాపాల మగువల్లోనా తప్పనీ తాళమా
చాల్లేబాల నీ ఛాఛఛీలా సంధ్యారాగాలాపనా

ఓహో లైల ఓ చారుశీలా కోపమేలా
మనకేలా గోల మందారమాలా మాపటేళ
ఒహొ పిల్లా… శుభానల్లా…
సరాగంలో… విరాగాలా…
మిసమిస వయసు రుసరుసల దరువుల
గుసగుస తెలిసె కలికి చిలకా
కసికసి పెదవి కదలికల కవితల
పిలుపులు తెలిసె కవిని గనకా.. హ..

చరణం: 2
జపించినా మంత్రం నీవే తపించిన స్నేహంలో
ప్రపంచమూ స్వర్గం నీవే స్మరించినా ప్రేమల్లో
చెలీ సఖీ అంటూ నీకై జ్వలించిన ప్రాణంలో
ఇదీ కథా అన్నీ తెలిసీ క్షమించవే ప్రాయంతో
కాళ్ళ బేరాలకొచ్చాకైనా కాకలే తీరవా
గేరు మార్చేసి పాహీ అన్నా కేకలే ఆపవా
పోవే బాల చాలించు గోల ప్రేమిస్తున్నా ఘాటుగా

ఓహో లైల ఓ చారుశీలా కోపమేల
మనకేలా గోల మందారమాలా మాపటేళ
ఒహొ పిల్లా… శుభానల్లా…
సరాగంలో… విరాగాలా…
ఒరె..మిసమిస వయసు రుసరుసల దరువుల
గుసగుస తెలిసె కలికి చిలకా
కసికసి పెదవి కదలికల కవితల
పిలుపులు తెలిసె కవిని గనకా

ఓహో లైల ఓ చారుశీలా కోపమేలా
మనకేలా గోల మందారమాలా మాపటేళా
ళా.ళ్ళా..ళ..ళ..

********   ********   ********

చిత్రం: చైతన్య (1991)
సంగీతం: ఇళయరాజా
సాహిత్యం: వేటూరి
గానం: యస్.పి. బాలు, కోరస్

పాప ఈడు గోలా.. పాట పేరు జోలా
ఊగుతోంది బాల… యవ్వనాల డోలా
నీవు వేణువైతే.. నేను ఊపిరౌతా
మోగాలి ఎదలో ఈల.. మోహాల సరి రాగాలా

Be happy… happy all the time…
Be happy… happy all the time…
Be happy… happy all the time…
Be happy… happy all the time…

ఏదో సాగింది చిలిపి కథా
ఓటమి గెలుపైన వలపు కథా
కునుకే రాకున్న కనుల కథా
ఉడికే పరువాల పడుచు కథా
పూసేటి వేసంగి పూరేకులో
రాస్తాను నీ పేరు తేనెలతో
తెన్నేటి ఇసుకమ్మ తీరాలలో
వేస్తాను పాదాలు నీ జతలో
పాషాణమై పోకు వైఢూర్యమా

పాప ఈడు గోలా..పాట పేరు జోలా
ఊగుతోంది బాల…యవ్వనాల డోలా

ఆటే కారాదు బ్రతుకు సుమా
అతికే మనసంటు లేదు సుమా
చేతులు కలిపింది చెలిమి సుమా
ఎగిరే నా ప్రేమ పావురమా
ఆనాటి స్నేహాల వాకిళ్ళలో
ఈనాడు వేచేను దోసిలి తో
కాలాలు దాటాను కౌగిళ్ళలో
స్వర్గాలు చూడాలి నీ ఒడిలో
శిల నీవు కాబోకు శృంగారమా

పాప ఈడు గోలా.. పాట పేరు జోలా
ఊగుతోంది బాల… యవ్వనాల డోలా
నీవు వేణువైతే.. నేను ఊపిరౌతా
మోగాలి ఎదలో ఈల.. మోహాల సరి రాగాలా

Be happy… happy all the time
Be happy… happy all the time
Be happy… happy all the time
Be happy… happy all the time

Zeen is a next generation WordPress theme. It’s powerful, beautifully designed and comes with everything you need to engage your visitors and increase conversions.

Top Reviews

See More Lyrics
Memu (2016)
error: Content is protected !!