Guna (1991)

చిత్రం: గుణ (1991)
సంగీతం: ఇళయరాజా
సాహిత్యం: వెన్నెలకంటి
గానం: యస్.పి.బాలు, యస్.పి.శైలజ
నటీనటులు: కమల్ హాసన్, వరలక్ష్మి, రేఖ, రోషిని
దర్శకత్వం: సంతాన భారతి
నిర్మాత: అలమేలు సుబ్రహ్మణ్యం
విడుదల తేది: 05.11.1991

ఊ..రాయి..రాయీ…
ఏం రాయాలి?
లెటర్.
ఎవరికి?
నీకు.
నాకా?

నాకు రాయటం రాదు,
ఈ మధ్యనే సంతకం పెట్టడం నేర్చుకున్నా.

వెయిట్ వెయిట్ నాకు నువ్వు రాసే ఉత్తరం నేను రాసి?
నాకు చదివి వినిపించి తర్వాత నువ్వు చదువుకో.
హహహ I Like it. చెప్పు.

నా ప్రియా. ప్రేమతో. నీకు. నీకు. నేను రాసే.. రాసే.
నేను. రాసే. ఉత్తరం.
ఉత్తరం లెటర్ ఛా. కాదు ఉత్తరమే అని రాయి. చదువు.

కమ్మనీ ఈ ప్రేమలేఖనే రాసింది హృదయమే.
పాటలా మార్చి రాసావా? నేను కూడా మారుస్తా.

మొదట నా ప్రియా అన్నాను కదా!
అక్కడ ప్రియతమా అని మార్చుకో.

ప్రియతమా నీ ఇంట్లో క్షేమమా?
ఇక్కడ నేను క్షేమం.

ప్రియతమా నీవచట కుశలమా నేనిచట కుశలమే.
ఆహా ఒహో
ఊహించుకుంటే కవిత మనసులో వరదలా పొంగుతోంది.
కానీ అదంతా రాయాలని కూర్చుంటే అక్షరాలే మాటలే !!!

ఊహలన్ని పాటలే కనుల తోటలో. అదే!
తొలి కలల కవితలే మాట మాటలో. అదే!
ఆహా! బ్రహ్మాండం కవిత కవిత పాడు

కమ్మనీ ఈ ప్రేమలేఖనే రాసింది హృదయమే
ప్రియతమా నీవచట కుశలమా నేనిచట కుశలమే
ఊహలన్ని పాటలే కనుల తోటలో
తొలి కలల కవితలే మాట మాటలో
ఓహో కమ్మని నీ ప్రేమలేఖనే రాసింది హృదయమే
లాలలా లాలాల లాలలాలాలలా లాలాల లాలలా
ప్రియతమా నీవచట కుశలమా నేనిచట కుశలమే
లాలలా లాలాల లాలలాలాలలా లాలాల లాలలా

నాకు తగిలిన గాయమదే చల్లగా మానిపోతుంది.
అదేమిటో నాకు తెలియదు,ఏం మాయో తెలియదు.
నాకేమీ కాదసలు. ఇది కూడా రాసుకో.
అక్కడక్కడా పువ్వు నవ్వు ప్రేమ అలాంటివేస్కోవాలి.. ఆ…
ఇదిగో చూడు.
నాకు ఏ గాయమైనప్పటికీ ఒళ్ళు తట్టుకుంటుంది.
నీ ఒళ్ళు తట్టుకుంటుందా? తట్టుకోదు.
ఉమా దేవి. దేవి ఉమా దేవి.
అది కూడా రాయాలా? అహహా….. అది ప్రేమ.

నా ప్రేమెలా చెప్పాలో తెలియకిదౌతుంటే ఏడుపొస్తుంది.
కానీ నేనేడ్చి నా శోకం నిన్ను కూడా
బాధ పెడుతున్నాననుకున్నప్పుడు
వచ్చే కన్నీరు కూడా ఆగుతుంది. హహ్హ……
మనుషులర్థం చేసుకునేందుకిది మాములు ప్రేమ కాదు.
అగ్ని లాగ స్వచ్ఛమైనది.

గుండెల్లొ గాయమేమో చల్లంగ మానిపోయే
మాయ చేసే ఆ మాయే ప్రేమాయే…
ఎంత గాయమైనగానీ నా మేనికేమిగాదు
పువ్వు సోకి నీ సోకు కందేనే…
వెలికి రాని వెర్రి ప్రేమ కన్నీటి ధారలోన కరుగు తున్నదీ….
నాదు శోకమోపలేక నీ గుండె బాధపడితె తాళనన్నదీ….
మనుషులెరుగలేరు
మామూలు ప్రేమ కాదు అగ్నికంటె స్వచ్ఛమైనదీ….

మమకారమే ఈ లాలి పాటగా రాసేది హృదయమా…
ఉమాదేవిగా శివుని అర్థభాగమై నాలోన నిలువుమా…
శుభ లాలి లాలి జో లాలి లాలి జో
ఉమాదేవి లాలి జో లాలి లాలి జో
మమకారమే ఈ లాలి పాటగా రాసేది హృదయమా…
నా హృదయమా…

Your email address will not be published. Required fields are marked *

Zeen is a next generation WordPress theme. It’s powerful, beautifully designed and comes with everything you need to engage your visitors and increase conversions.

Top Reviews

See More Lyrics
Ishtam (2001)
error: Content is protected !!