చిత్రం : ఖైది నెం 786 (1988)
సంగీతం: రాజ్-కోటి
సాహిత్యం: భువనచంద్ర
గానం: యస్. పి. బాలు, యస్. జానకి
నటీనటులు: చిరంజీవి, భానుప్రియ, రాధ, సుహాసిని
దర్శకత్వం: విజయబాపినీడు
నిర్మాత: మాగంటి రవీంద్రనాథ్ చౌదరి
విడుదల తేది: 10.06.1988
గువ్వ గోరింకతో ఆడిందిలే బొమ్మలాట
నిండు నాగుండెలో మ్రోగిందిలే వీణపాట
ఆడుకోవాలి గువ్వలాగ
పాడుకుంటాను నీ జంట గోరింకనై
గువ్వ గోరింకతో ఆడిందిలే బొమ్మలాట
నిండు నాగుండెలో మ్రోగిందిలే వీణపాట
జోడుకోసం గోడ దూకే వయసిది
తెలుసుకో అమ్మాయిగారు
అయ్యొపాపం అంత తాపం
తగదులే తమరికి అబ్బాయిగారు
ఆత్రమూ ఆరాటమూ చిందే వ్యామోహం
ఊర్పులో నిట్టూర్పులో అంతా నీ ధ్యానం
కోరుకున్నానని ఆట పట్టించకు
చేరుకున్నానని నన్ను దోచేయకు
చుట్టుకుంటాను సుడిగాలిలా…
హెయ్ గువ్వ – హా.., గోరింకతో – హా..
ఆడిందిలే బొమ్మలాట
హేయ్.. నిండు – హా.. నా గుండెలో – హా..
మ్రోగిందిలే వీణపాట హా హోయ్ హోయ్..
కొండనాగు తోడు చేరి
నాగిని బుసలలో వచ్చే సంగీతం
సందెకాడ అందగత్తె
పొందులో ఉందిలే ఎంతో సంతోషం
పువ్వులో మకరందము ఉందే నీ కోసం
తీర్చుకో ఆ దాహము వలపే జలపాతం
కొంచెమాగాలిలే కోర్కె తీరేందుకు
దూరముంటానులే దగ్గరయ్యేందుకు
దాచిపెడతాను నా సర్వమూ…
హేయ్… గువ్వ – హాయ్.. గోరింకతో – హాయ్..
ఆడిందిలే బొమ్మలాట
అహ.. నిండు – హా.. నా గుండెలో – హ
మ్రోగిందిలే వీణపాట
ఆడుకోవాలి గువ్వలాగ
పాడుకుంటాను నీ జంట గోరింకనై
