Kick (2009)

చిత్రం: కిక్ (2009)
సంగీతం: ఎస్.ఎస్.థమన్
సాహిత్యం: సిరివెన్నెల
గానం: చిత్ర
నటీనటులు: రవితేజ, ఇలియానా
కథ: వక్కంతం వంశీ
దర్శకత్వం: సురేంధర్ రెడ్డి
నిర్మాత: ఆర్.ఆర్.వెంకట్
విడుదల తేది: 08.05.2009

అటు చూడొద్దన్నానా మాటాడొద్దన్నానా
ఒద్దొద్దు అంటే విన్నావంటే మనసా
ఏం పరవాలేదనుకున్నావేమో బహుశా
ఈ తలనొప్పేదైనా నీ తప్పేంలేదన్నా
అయ్యయ్యో అంటారేమో గానీ మనసా
పడవలసిందేగా నువిలా నానా హింస

ప్రేమని కదిలించావే తోచీతోచని తొలి వయసా
ఎందుకు బదులిచ్చావే తెలిసి తెలియని పసి మనసా

మునుపేనాడూ ఏ కుర్రాడు పడలేదంటే నీ వెనకాలా
వందలు వేలు ఉండుంటారు మతి చెడలేదే ఇలా వాళ్ళందరి వల్లా
ఎందుకివాళే ఇంత మంటెక్కిందో చెబుతావా
ఏం జరిగుంటుందంటే అడిగినవాళ్ళని తిడతావా
అందరి లాగా వాణ్ణి వీధుల్లో వదిలెసావా
గుండెల గుమ్మందాటి వస్తుంటే చూస్తున్నావా

ఏ దారైనా ఏ వేళైనా ఎదురౌతుంటే నేరం తనదే
ఇంట్లో ఉన్నా నిదరోతున్నా కనిపిస్తుంటే ఆ చిత్రం నీలో ఉందే
ఎవ్వరినని ఏం లాభం ఎందుకు ఎద లయ తప్పిందే
ఎక్కడ ఉందో లోపం నీతో వయసేంచెప్పిందే
అలకో ఉలుకో పాపం ఒప్పుకునేందుకు ఇబ్బందే
కనకే నాకీకోపం కన్నెగా పుట్టిన నామీదే

********   *********   ********

చిత్రం: కిక్ (2009)
సంగీతం: ఎస్.ఎస్.థమన్
సాహిత్యం: సిరివెన్నెల
గానం: కార్తిక్ , జోస్న

గోరే గోరే గోగోరే గోరే గోరే గోగోరే గోగోరే
పోపోపొమ్మంటోందా నను రారా రమ్మంటోందా
నీ మనసేమంటోందో నీకైనా తెలిసిందా
పోపోపొమ్మంటోందా నను రారా రమ్మంటోందా
నీ మనసేమంటోందో నీకైనా తెలిసిందా
చూస్తూ చూస్తూ సుడిగాలల్లే చుట్టేస్తుంటే నిలువెల్లా
ఉక్కిరి బిక్కిరి ఐపోతున్నా ఊపిరి ఆడక నీ వల్లా
ఇదరా అదరా ఎద ఏమన్నా తెలిసే వీలుందా

గోరే గోగోరే గోరే గోరే గోగోరే గోగోరే
గోరే గోరే గోగోరే గోరే గోరే గోగోరే గోగోరే

తెగ ఉరుముతు కలకాలం
తెరమరుగున తన భారం
మోసుకుంటు తిరగదు మేఘం
నీలా దాచుకోదుగా అనురాగం
ముల్లుగా నాటితే నీ వ్యవహారం
తుళ్ళిపడదా నా సుకుమారం
మెల్లగ మీటితే నాలో మారం
పలికుండేదే మమకారం
ఔనా ఐనా నన్నే అంటావే నేరం నాదా

గోరే గోగోరే గోరే గోరే గోగోరే గోగోరే
గోరే గోరే గోగోరే గోరే గోరే గోగోరే గోగోరే

వెంటపడుతుంటే వెర్రి కోపం
నువ్వు కంటపడకుంటే పిచ్చి తాపం
మండిపడుతుందే హృదయం
మరిచే మద్యమైనా చెప్పదే సమయం
నీతోనీకే నిత్యం యుద్ధం ఎందుకు చెప్పవే సత్యభామా
ఏం సాధిస్తుందే నీ పంతం ఒప్పుకుంటే
తప్పు లేదే ఉన్న ప్రేమా
తగువా మగువా నా పొగరంటే నీకిష్టం కాదా

గోరే గోగోరే గోరే గోరే గోగోరే గోగోరే
గోరే గోరే గోగోరే గోరే గోరే గోగోరే గోగోరే

Zeen is a next generation WordPress theme. It’s powerful, beautifully designed and comes with everything you need to engage your visitors and increase conversions.

Top Reviews

See More Lyrics
Saleem (2009)
error: Content is protected !!