Rajkumar (1983)

చిత్రం: రాజకుమార్
సంగీతం: ఇళయరాజా
సాహిత్యం: ఆత్రేయ ఆరుద్ర
గానం: ఎస్.పి బాలు, ఎస్.జానకి
నటీనటులు: శోభన్ బాబు, జయ సుధ, అంభిక
దర్శకత్వం: గుత్తా రామినీడు
నిర్మాత:  ఆలపాటి రంగరావు
విడుదల తేది: 1983

జానకి కలగనలేదు రాముని సతి కాగలనని ఏనాడు..

రాముడు అనుకోలేదు జానకి పతి కాగలనని ఆనాడు..
ఆనాడు ఎవరూ అనుకోనిది..ఈనాడు మనకు నిజమైనది..
ఆ రామాయణం..మన జీవన పారాయణం!!
రాముడు అనుకోలేదు జానకి పతి కాగలనని ఆనాడు..
చెలి మనసే శివధనుసైనది..తొలిచూపుల వశమైనది..
వలపు స్వయంవరమైనప్పుడు..గెలువనిది ఏది?
ఒక బాణము ఒక భార్యన్నది..శ్రీరాముని స్థిరయశమైనది..
శ్రీవారు ఆ వరమిస్తే..సిరులన్నీ నావి!!
తొలి చుక్కవు నీవే..చుక్కానివి నీవే!!
తుది దాకా నీవే..మరుజన్మకు నీవే!!
జానకి కలగనలేదు రాముని సతి కాగలనని ఏనాడు..
రాముడు అనుకోలేదు జానకి పతి కాగలనని ఆనాడు..
సహవాసం మనకు నివాసం.. సరిహద్దు నీలాకాశం..
ప్రతి పొద్దు ప్రణయావేశం.. పెదవులపై హాసం..
సుమసారం మన సంసారం..మణిహారం మన మమకారం..
ప్రతీ రోజు ఒక శ్రీకారం.. పరవశ శృంగారం
గతమంటే నీవే..కథకానిది నీవే!!
కలలన్నీ నావే..కలకాలం నీవే!! 
రాముడు అనుకోలేదు జానకి పతి కాగలనని ఆనాడు..
జానకి కలగనలేదు రాముని సతి కాగలనని ఏనాడు..
ఆనాడు ఎవరూ అనుకోనిది..ఈనాడు మనకు నిజమైనది..
ఆ రామాయణం..మన జీవన పారాయణం!!
లాలల లాలలాల..లాలల లాలలాల.. లా లా లా
లాలల లాలలాల..లాలల లాలలాల.. లా లా లా
error: Content is protected !!