చిత్రం: రామ్ రహీమ్ (1974)
సంగీతం: సాలూరి రాజేశ్వరరావు
సాహిత్యం: సి.నారాయణరెడ్డి
గానం: యస్.పి.బాలు, పి.సుశీల
నటీనటులు: బాలకృష్ణ , హరిక్రిష్ణ , రోజారమని
దర్శకత్వం: బి.ఎ. సుబ్బారావు
నిర్మాత: కె.ఆర్.వి.ప్రసాద్ రావు
విడుదల తేది: 05.11.1974
పల్లవి:
ఎగిరే గాలిపటానికి.. దారం ఆధారం..
ఎగిరే గాలిపటానికి.. దారం ఆధారం
నా నిరుపేద జీవితానికి నీ ప్రేమే ఆధారం
నా నిరుపేద జీవితానికి నీ ప్రేమే ఆధారం
చరణం: 1
ప్రేమే ఒక కలిమి . . దానికి లేనే లేదు లేమి
నా మనసే నిను వలచింది.. ఆ వలపే జత కలిపిందీ
నా మనసే నిను వలచింది.. ఆ వలపే జత కలిపిందీ
కలిసిన జంటల విడదీస్తుంది కాలం కాలం
ఆ కాలానికి ఎదురీదీ.. చేరుకుందాము ఆవలి తీరం
ఎగిరే గాలిపటానికి దారం ఆధారం…
నా నిరుపేద జీవితానికి నీ ప్రేమే ఆధారం
చరణం: 2
ఏ సుడిగాలి వీస్తుందో… ఏ జడివాన వస్తుందో
ఏ సుడిగాలి వీస్తుందో… ఏ జడివాన వస్తుందో
ఈ బంధం గాలిపటంలా… ఏ నిమిషం ఏమవుతుందో
గాలికి చెదరదు… వానకు తడవదు బంధం . . . మన బంధం
అది ఎగరేసే ఒడుపుంటే… నిలిచిపోతుంది కలకాలం
ఎగిరే గాలిపటానికి దారం ఆధారం…
నా నిరుపేద జీవితానికి నీ ప్రేమే ఆధారం
అహహా అహహా అహాహా హ్హా
అహహా అహహా అహాహా హ్హా
