చిత్రం: ఉయ్యాల జంపాల (1965)
సంగీతం: పెండ్యాల నాగేశ్వరరావు
సాహిత్యం: ఆరుద్ర
గానం: పి.లీల, బృందం
నటీనటులు: కొంగర జగ్గయ్య , కృష్ణ కుమారి
కథ, మాటలు: పినిశెట్టి
నిర్మాత, దర్శకత్వం: కె.బి.తిలక్
విడుదల తేది: 1965
పల్లవి:
అందాల రాముడు ఇందీవరశ్యాముడు
ఇనకులాబ్ది సోముడు ఎందువలన దేముడు
ఎందువలన దేముడు…
చరణం: 1
తండ్రి మాటకై పదవుల త్యాగమే చేసెను (2)
తన తమ్ముని బాగుకై తాను బాధ పొందెను
అందాల రాముడు అందువలన దేముడు
చరణం: 2
అనుభవించదగిన వయసు
అడవిపాలు జేసెను (2)
అడుగుపెట్టినంతమేర ఆర్యభూమి జేసెను
అందాల రాముడు అందువలన దేముడు…
చరణం: 3
ధర్మపత్ని చెరబాపగ దనుజుని దునుమాడెను
ధర్మము కాపాడుటకా సతినే విడనాడెను
అందాల రాముడు అందువలన దేముడు…
